Dark Places 20090128

O Dark Places, un fork do motor do Quake, sacou unha nova versión baixo o nome de 20090128 (a que non adiviñades por que?).

Na lista de cambios observamos cambios como:

• a compatibilidade das partidas gardadas coas do resto de motores baseados no Quake,
• a extensión do formato das partidas gardadas con novas características,
• e varias correccións de bugs.

Fonte: The Linux Game Tome

	Dark Places 20090128
Motor froito da liberación do código fonte do Quake 3. Utilízano xogos coma o Nexuiz.
Sitio web: icculus.org/twilight/darkplaces

ioquake3 RC 1.36

O motor ioquake3, que utilizan xogos coma o Urban Terror ou o Alien Arena, xa ten a primeira release candidate da versión 1.36. Nesta prometedora versión que substitúe á 1.35 destacan cambios coma a integración de VoIP grazas a Mumble ou o soporte pra Ipv6, que será moi importante nun futuro próximo.

Velaquí están algúns dos cambios que incorpora este novo lanzamento do motor:

• posibilidade de portación a novas plataformas,
• descargas alleas ao servidor por redirección vía HTTP e FTP grazas a cURL,
• uso de OpenAL para o renderizado do son envolvente (5.1 e 7.1) e mellora da calidade sonora,
• decodificación de son en Ogg Vorbis,
• soporte nativo de VoIP mediante Mumble, incluído o soporte pra son relativo -o volume do son dependendo da distancia do foco de emisión-,
• soporte pra Ipv6,
• uso de SDL pr’a xestión de fiestras, a entrada e o contexto OpenGL -o que supón tamén unha mellora da portabilidade-,
• soporte completo pra sistemas 64 bits (alégrome ),
• mellora das ferramentas pra “Quake Virtual Machine”,
• soporte do formato PNG pr’as texturas (supoño que isto se traducirá como a posibilidade dunha mellora gráfica),
• melloras na consola: auto-completado, historial, etc.,
• numerosas correccións relativas a problemas de seguridade.

No anuncio oficial anímannos a descarga-lo código fonte, compilalo, e informar de calquera erro que atopemos no xogo e do que non se informase xa. Ademais anímannos a deixar un comentario solicitando novas características que non gustaría que tivesen as posteriores versións.

Eu que queredes que vos diga. Estou desexando que saia a versión final e que os do Urban Terror fagan unha actualkización co motor.

Fonte: JeuxLinux

	ioquake3 1.35
Motor froito da liberación do código fonte do Quake 3. Utilízano xogos coma o Open Arena, o Alien Arena, o Tremulous, o Urban Terror e mailo World of Padman.
Sitio web: ioquake3.org

Spring 0.78.2.1

Agora que o servidor xa non está caído, tocáballes aos desenvolvedores do Spring sacar unha versións de solucións de erros, a 0.78.2.1. Esta nova versión, por tanto, debería ser moito máis estable.

Un dos puntos a destacar destas correccións de bugs foi o intento de soluciona-las frecuentes desincronizacións da anterior versión, a 0.78.1.1, e durante as partidas de probas non lles ocorreu nin unha vez. Ademais vólvese poder axusta-lo volume de resposta das unidades.

Para unha visións máis detallada dos cambios tedes unha lista con case todos.

Pra instalar o xogo, instalade o motor (os de Ubuntu o temos por repositorios ) e logo a interface principal.

Fonte: foro do motor
Sitio web: spring.clan-sy.com

Spring 0.78.1.1

Xa temos á nosa disposición unha nova versión do Spring, a 0.78.1.1. Definir Spring non é doado, xa que se ben se trata dun motor pra xogos de estratexia en tempo real, conta cunha aplicación dende a cal se descargan os mapas, os mods, se chatea, se controla e accede aos servidores de partidas en liña, etc. En fin, eu o vou considerar coma un motor, que dos xogos (ou mods) del vou falar aparte (estase a preparar un de Star Wars ).

Bueno, tamén dicirvos (principalmente pra os que xa o coñecesedes) que a numeración das versións cambiou, e pasará a ser algo máis normal (a anterior chamábase 0.77b5).

Agora ao choio. Os cambios nesta nova versión confórmanse basicamente de correccións de erros e melloras no rendemento/velocidade. Aínda así tendes aquí a lista completa dos cambios.

Os que xa o tivesedes debedes ter en conta que a vosa configuración persoal desaparecerá! Cousas da vida. Borrar e conta nova, que din algúns. Pero espero que iso non vos impida baixalo. Por suposto, os de Ubuntu temo-la vida máis fácil.

Fonte: JeuxLinux
Sitio web: spring.clan-sy.com

Crystal Space 1.2.1, bugfixing…

function copiarPortapapeisGM_BoxValuesSession() { try { netscape.security.PrivilegeManager.enablePrivilege(“UniversalXPConnect”);const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById(“GM_BoxValuesSession”).innerHTML );}catch(e){}}function pecharGM_BoxValuesSession() { document.getElementById(‘GM_BoxValuesSession’).parentNode.style.display = ‘none’;}

function copiarPortapapeisGM_BoxValuesSession() { try { netscape.security.PrivilegeManager.enablePrivilege(“UniversalXPConnect”);const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById(“GM_BoxValuesSession”).innerHTML );}catch(e){}}function pecharGM_BoxValuesSession() { document.getElementById(‘GM_BoxValuesSession’).parentNode.style.display = ‘none’;}

Crystal Space, un exemplo do seu potencial.

O Crystal Space, motor de tres dimensións utilizado pra xogos tales coma o PlaneShift ou o Yo Frankie! -que debería ver a luz nunhas semanas-, sacou en maio a súa versión 1.2.1, que se enfocou únicamente en corrixir bugs. E como a min as noticias me chegan con retraso infórmovos agora -o caso era ter algo sobre o que escribir, que unhas veces sobra e outras falta-.

Fonte: HappyPenguin
Sitio web: www.crystalspace3d.org