Paintown 3.2

O Paintown é un xogo arcade de pelexas ao máis puro estilo Street Fighter que xa acadou a súa versión 3.2.

Entre os cambios deste novo lanzamento atopamos:

• aumento das opcións do menú,
• engadiuse a personaxe Wolverine,
• o xogo fai capturas de pantalla durante a partida,
• mellora do modo en liña,
• puntuación pra os xogadores.

Os que queirades descargádeo (a 3.1) e xa contarede-la vosa experiencia. Os que utilicedes paquetes .deb (Debian, Ubuntu…) tedes un paquete da versión 3.0 aquí, moito máis cómodo de instalar.

Fonte: LinuxGames

-	Paintown 3.2
Xogo arcade de pelexas con modo colectivo e individual, e á súa vez con modos aventura e combate.
Sitio web: paintown.sourceforge.net

SDL-Ball 1.0, un arcade de gráficos abraiantes

Xa está dispoñible a versión 1.0 do SDL-Ball, tras dun longo período de desenvolvemento, ata que por fin foi considerado estable e xogable. O xogo consiste en eliminar bloques cunha boliña (un clásico), e destaca polos seus abraiantes gráficos utilizando OpenGL. Tamén é de ter en conta a posibilidade de xogar co mando da Wii.

Entre as características deste xogo atopamos:

• 50 niveis,
• uns abraiantes gráficos (terceira vez que o repito ,
• un bo número de bonificacións e penalizacións,
• táboa das mellores puntuacións,
• moitos efectos de son,
• un editor de niveis fácil de usar,
• un xestor de temas,
• posibilidade de control con rato, teclado, joystick/gamepad, e WiiMote,
• copia de seguridade e recuperación das partes,
• un vídeo de introdución bastante chulo,
• e a posibilidade de facer capturas de pantalla.

Fonte: JeuxLinux

-	SDL-Ball 1.0
Clásico arcade con moi bos gráficos e posibilidade de usar moitos controis distintos.
Sitio web: sdl-ball.sourceforge.net