O equipo tras do Wormux, o popular clon do mítico Worms, liberou a versión 0.8.3 do xogo.
O ciclo de produción desta versión non foi o habitual (estabilización da versión en desenvolvemento previamente ao lanzamento oficial). En realidade, a nova versión do xogo ven sendo unha mellora da anterior con algunhas das modificacións feitas na versión de desenvolvemento.
En fin, que aí van os cambios:
- novos gráficos de personaxes con novas animacións,
- novos sons,
- mellora do menú de edición do equipo,
- nova interface pr’as partidas,
- leves melloras da intelixencia artificial,
- correccións de pequenos erros gráficos,
- e correccións dalgúns erros que causaban a saída da aplicación.
Podería considerarse que esta nova versión non ven a ser máis ca un anuncio do que se fará coa versión en desenvolvemento (novo motor da física, remodelado parcial do código relativo ao funcionamento en rede, etc.). Por desgraza o grupo de desenvolvedores do núcleo do xogo é cada vez máis reducidos, e estes teñen cada vez menos tempo libre pra colaborar.
A seguinte versión ha centrarse, din os desenvolvedores, no xogo en rede. Principalmente a corrección dos erros que causen a interrupción do xogo en rede e os servidores dedicados.
Fonte: blogue do xogo
| Wormux 0.8.3 |   |
 |
|
| Clon do popular Worms coas mascotas do software libre como protagonistas. | |||
| Sitio web: www.wormux.org |         |
||
