Vacuum Magic 0.11

O Vacuum Magic xa ten nova versión, a 0.11.

Nos cambios con respecto da versión anterior atopamos:

• unha nova bonificación: o escudo de lume; trátase da bonificación máis poderosa que pode obter o xogador, e que lle fornece un abraiante potencial tanto defensivo coma ofensivo;
• un novo fondo e nova música, cun tema de Samaín,
• a “mala” Meiga robótica solta unha bandada de morcegos cando a fires,
• o “malo” Bombas agora é menos mortífero,
• varios axustes e correccións.

Fonte: The Linux Game Tome

	Vacuum Magic 0.11
Xogo de acción en dúas dimensións en que recolleremos froita e mataremos monstros. Como na vida real, vamos.
Sitio web: apocalypse.rulez.org/vacuum

Vacuum Magic 0.10

O Vacuum Magic, un xogo de tiros en dúas dimensións que me resulta estrañamente familiar (das vellas recreativas?), xa acadou a que é a súa versión 0.10.

Os cambios que se inclúen neste novo lanzamento son:

• un novo malo malísimo, o bombas (“the bomber”), moi difícil de bater;
• novos inimigos: a saraiba, a araña e a bomba;
• agora é posible mante-la tecla premida un tempo pra aumenta o tempo de carga e lanzar tiros máis precisos,
• novo elemento de bonificación: hora de atinar (bullet time), que realentiza aos inimigos durante un tempo,
• un novo fondo,
• inclusión de numerosos efectos visuais novos,
• e algunhas correccións de erros.

Fonte: HappyPenguin

	Vacuum Magic 0.10
Xogo de acción en dúas dimensións en que recolleremos froita e mataremos monstros. Como na vida real, vamos.
Sitio web: apocalypse.rulez.org/vacuum

Vacuum Magic 0.9

O Vacuum Magic, un xogo de acción en dúas dimensións, xa ten unha nova versión, a 0.9, que substituirá á 0.8.

Entre os cambios desta nova versión atopamos:

• nova área de adestramento (nivel 5) que consiste basicamente nun campo de tiro pra introducir aos novos xogadores ao aspecto do xogo relativo á puntería contra os obxectivos,
• hai un novo minixogo tributo ao Pang Zero,
• tres novos fondos (algúns gráficos son cortesía do proxecto Pingus),
• novas traducións ao portugués, castelán e finlandés,
• diversas melloras, limpezas no código e correccións de bugs.

Fonte: HappyPenguin

	Vacuum Magic 0.9
Xogo de acción en dúas dimensións en que recolleremos froita e mataremos monstros. Como na vida real, vamos.
Sitio web: apocalypse.rulez.org/vacuum

Vacuum Magic 0.8

Hai dispoñible unha nova versión do Vacuum Magic, un xogo de acción en dúas dimensións moi divertido, que me resulta extremadamente familiar.

Esta versión, a 0.8, incluíu:

• unha nova “Zona de adestramento” que ven sendo unha mestura do propio xogo e o coñecido Pang Zero,
• catro traducións máis, ao eslovaco, polaco, esperanto e francés,
• e varias correccións de erros.

Creo que cabe salientar o feito de que o xogo ten modo colectivo, no que ata seis xogadores poden xogar, ben no mesmo equipo ou ben uns contra os outros. Isto hai que probalo. Quen me dera ter máis de 2 amigos linuxeiros.

Por se alguén está interesado na súa tradución, facelo é tan sinxelo como ir aquí e seguir uns simples pasos.

Máis nada. Agora toca descargalo e opinar.

Fonte: HappyPenguin

-	Vaacum Magic 0.8
Xogo de acción en dúas dimensións en que recolleremos froita e mataremos monstros. Como na vida real, vamos.
Sitio web: apocalypse.rulez.org/vacuum (descarga)