Teeworlds 0.5.1

Como parece xa é tradición despois do lanzamento dunha versión principal, os desenvolvedores do Teeworlds trouxéronnos unha versión de mantemento, a 0.5.1. Pra quen non o coñeza, trátase dun xogo de acción en plataformas de dúas dimensións centrado nas partidas colectivas en liña. Recentemente entrou na lista dos mellores xogos do 2008 de LinuxJuegos, quedando no 7º posto.

Este novo lanzamento incluíu:

• algunhas melloras e retoques gráficos,
• numerosas melloras no servidor e mailo sistema de votacións,
• función de completado automático pra a consola durante as partidas,
• e a corrección dunha morea de erros, coma sempre.

Tedes á vosa disposición unha lista cos cambios incluídos, e podedes atopalo xa listo pra a súa descarga nesta páxina.

Fonte: foro do xogo

	Teeworlds 0.5.1
Xogo de tiros en liña en plataformas de dúas dimensións.
Sitio web: www.teeworlds.com

Teeworlds 0.5.0

Este martes pola tarde os rapaces do Teeworlds, un xogo de acción en liña que destaca por estar en dúas dimensións, sacaron a versión 0.5.0 do xogo. Foron catro os meses de traballo dende a versión anterior, e case dous centos erros corrixidos.

Entre os cambios atopamos:

• posibilidade de gravar demostracións e de reproducilas,
• aumento do límite de xogadores por partida a 16,
• melloras no uso do ancho de banda,
• algúns cambios pra adaptarse mellor aos mods non oficiais (aínda non soportados),
• un buscador de servidores reformado con información estendida dos servidores e posibilidade de engadir a favoritos,
• posibilidade de votar dende a partida,
• tamén se poderá Botar a alguén da partida (cousas dos administradores),
• e entre outras moitas cousas unha morea de traballo no código.

Na páxina de descargas tende-la lista completa dos cambios desta non versión, ademais das diversas formas de descarga do xogo. Xa contarede-lo que opinades desta nova entrega.

Fonte: foro do xogo

-	Teeworlds 0.5.0
Xogo de acción en liña en dúas dimensións.
Sitio web: www.teeworlds.com