O Scorched3D xa sacou unha nova versión, a 42.1.
Os cambios máis salientables deste novo lanzamento son:
- cambio da fórmula da habilidade, agora máis estable;
- corrección dos nomes unicode na consola do servidor web,
- engadido de máis funcións de guións LUA,
- cambios pra consegui-la compatibilidade cos compiladores de 64 bits,
- compatibilidade coa versión 3.4 do compilador gcc,
- corrección do problema que causaba que o servidor enviase mensaxes de máis ao cliente,
- optimización do renderizado dos gráficos pra aproveitar mellor as capacidades do hardware,
- soporte de linguaxe de guións praos guións das armas e mailo servidor,
- soporte pra fondos máis grandes,
- soporte multilingüe para as conversas e os nomes dos xogadores,
- engadido soporte para a tradución dos diálogos e as mensaxes,
- algúns axustes de xogo,
- mellora das comunicacións por rede para reduci-lo tempo de espera,
- inclusión dalgúns mapas novos.
En fin, que pinta ben. Na caixa de aquí abaixo tendes unha icona que leva á páxina de descargas. Bo proveito!
Fonte: HappyPenguin
| Scorched 3D 42.1 |  |
 |
|
| Xogo de estratexia por roldas en tres dimensións no que pezas de artillería intercambian fogo en diversos terreos. | |||
| Sitio web: www.scorched3d.co.uk |        |
||
