O Performous, un xogo de cantar destes que parece que se están poñendo tan de moda no mundo comercial, acadou recentemente a súa versión número 0.3.0.
Algúns dos cambios máis salientables con respecto da versión anterior son os que siguen:
- partida de varios xogadores cos micrófonos do Singstar ou calquera outro dispositivo de entrada en estéreo,
- salientable mellora do rendemento, polo que agora debería ir moi ben en máquinas con poucos recursos,
- baseado completamente en OpenGL,
- imaxes moito máis “chulas” na pantalla de canto,
- aumento automático das liñas das notas na pantalla de canto,
- soporte real pra pantalla panorámina (ata o de agora era moi rudimentario),
- o cartafol das cancións escanéase de forma recursiva, en segundo plano, sen bloquea-la interface,
- pode controlarse o volume do xogo e mailo das preescoitas,
- nova fiestra de puntuacións (aínda sen récords),
- biblioteca de audio propia con soporte pra ALSA, Pulseaudio, Jack e demais,
- substitución de Xine e GStreamer por FFMPEG,
- compilación por CMake.
Fonte: The Linux Game Tome
| Performous 0.3.0 |  |
 |
|
| Xogo de karaoke. | |||
| Sitio web: performous.org |       |
||
