FreeCol 0.8.1

Xa saíu unha nova versión do FreeCol, o xogo de estratexia por roldas ambientado na conquista de América. Esta versión, a 0.8.1, adicouse a corrección de numerosos erros. A lista deles está dispoñible aquí.

Fonte: sitio web do xogo

	FreeCol 0.8.1
Xogo de estratexia por roldas ao estilo do Freeciv e ambientado na colonización de América.
Sitio web: www.freecol.org

FreeCol 0.8.0

Xa se lanzou a versión 0.8.0 do FreeCol, un xogo de estratexia na liña do Freeciv pero de cara á temática das colonizacións, inspirado no Colonization. O obxectivo é o de fundar novas colonias en América, relacionarte cos nativos e loitar polo dominio do terreo fronte ao resto das potencias europeas. Vive la France!

O cambio máis salientable desta nova entrega do xogo foi a posibilidade de definir os mecanismos de xogos a partires de ficheiros de XML, que a min persoalmente non me servirá de moito, pero isto pra os desenvolvedores vai ser todo un agasallo. Deste xeito poderanse manipular moi facilmente as regras do xogo, e os máis aventurados mesmo crear un xogo novo a partires deste. Se vos interesa o asunto lede isto.

Entre os outros cambios atopamos:

• novos gráficos do terreo,
• música no menú,
• efectos de son pra os dragóns, a artillería ao capturar unha colonia, ao completarse a construción dun edificio, igrexa, etc.,
• os enclaves dos nativos recibiron mellor nome e situación xeográfica,
• engadidas novas traducións ao portugués, sueco, dinamarqués e ruso,
• agora hai soporte pra partidas con ata oito xogadores europeos,
• e unha morea -como non- de outras novas características e correccións de erros.

Xa estades tardando en descargalo e contarmo-la experiencia.

Fonte: linuX-gamers

-	FreeCol 0.8.0
Xogo de estratexia por roldas ao estilo do Freeciv e ambientado nas colonizacións das Américas.
Sitio web: www.freecol.org